مه‌دخه‌لیه‌كان كێن و بۆچ ئامانجێك تێده‌كۆشن ...؟!به‌ناوی گه‌ڕانه‌وه بۆسه‌ر قورئانی پیرۆزو سوننه‌ت و دووركه‌وتنه‌وه له‌مه‌زهه‌بیه‌ت، كه‌سانێك به‌ناوی سه‌له‌فی راشكاوانه"تر بڵێم به‌ناوی "مه‌دخه‌لی" كه‌راسته‌وخۆ بنه‌چه‌كه‌یان بۆكه‌سێك به‌ناوی "ره‌بیع بن هادی ئه‌لمه‌دخه‌لی" ده‌گه‌ڕێته‌وه‌و ئه‌ویش به‌سامان و داهات و پشتیوانی بنه‌ماڵه‌ی "ئالی سعود" كاره‌كانی ده‌بات به‌ڕێوه، ئه‌م مه‌دخه‌لیانه، له‌م هه‌رێمه‌ی خۆمان چه‌ند ساڵێكه كه‌وتوونه‌ته‌خۆ كه‌كاری سه‌ره‌كییان بریتی یه له‌نانه‌وه‌ی پشێوی و ناشیرینكردنی رووی جوانی ئیسلامیی پیرۆز به‌هه‌رشێوازێك بێت كه‌سه‌ركیترینیان گوێنه‌دانه به‌فه‌توای زانایانی ئیسلامیی و گرنگی نه‌دان به‌سوننه‌ته‌كانی پێش نوێژ و دوای نوێژ بگره به‌بیدعه‌زانینی سوننه‌ت و زیكره‌كان ..!
ته‌نانه‌ت به‌لای ئه‌وانه‌وه سه‌ڵاوات لێدان له‌زیناكردن خراپتره كه‌به‌به‌ڵگه‌ی ڤیدیۆیی له‌خواره‌وه‌ی بابه‌ته‌كه‌م دامناوه ..!
بیرۆكه‌ی سه‌له‌فیه‌ت" مه‌دخه‌لیه‌ت" سه‌ره‌تا له‌شاری دهۆك له‌لایه‌ن كه‌سێكی سه‌ربه‌ده‌سه‌ڵات سه‌ری هه‌ڵداو دواتر ئه‌م بیرۆكه‌یه له‌لایه‌ن كه‌سێكی تره‌وه گواسترایه‌وه شاری سلێمانی كه‌ئێستا كاندیدی لیستی ده‌سه‌ڵاته بۆپه‌رله‌مانی كوردستان ..!
رای زۆربه‌ی مه‌دخه‌لیه‌كانی كوردستان وایه كه"ته‌نها من هه‌م و كه‌من هاتم تۆهه‌ڵێ ..!
سێ جۆر سه‌له‌فی هه‌ن كه‌بریتین له‌مانه:.. ... .
1- سه‌له‌فی له‌ق .
2- سه‌له‌فی زه‌ق .
3- سه‌له‌فی ده‌ق .
سه‌له‌فی له‌ق، ئه‌مانه تاقمێكن و به" مه‌دخه‌لی ناسراون و راسته‌وخۆ سه‌ربه‌سعودیه‌ن و به‌شێوه‌ی موخابه‌راتی كار بۆده‌سه‌ڵات ده‌كه‌ن و به‌هه‌موو هێزێكیانه‌وه دژ به‌ئیسلامیه‌كان له‌هه‌وڵ و كۆشش دان ..!
زۆربه‌توندی شوێنكه‌وته‌ی شێخ ره‌بیع بن هادی ئه‌لمه‌دخه‌لی كه‌وتوون، كه‌به‌شێكی زۆریان له‌هه‌رێمی كوردستان بوونیان هه‌یه‌و، وه‌كو ئه‌مڕۆ ده‌یبینین كه‌به‌رده‌وام دژ به‌هه‌ردوو حیزبه ئیسلامییه‌كه " كۆمه‌ڵ و یه‌كگرتوو" كارده‌كه‌ن و به‌رده‌وام له‌رێگه‌ی ده‌مڕاسته‌كه‌یانه‌وه به‌ناوی " مه‌لاعه‌بدولله‌تیفی سه‌له‌فی"یه‌وه، نوقسانیان ده‌خرێته پاڵ به‌تایبه‌تی ناوزڕاندنی بانگخوازه‌كانیان و به‌تایبه‌تی تر بانگخواز " حاجی كاروان " كه‌له‌زۆربه‌ی كاسێته ڤیدیۆییه‌كانه‌وه ده‌یبینین و راشكاوانه ته‌شهیر و قسه‌ی نابه‌جێ ئاڕاسته‌ی ئه‌وبانگخوازه خاوه‌ن جه‌ماوه‌ره ده‌كات ..!
سه‌له‌فی زه‌ق، ئه‌وانه‌ن كه‌له‌هه‌ندێ له‌وڵاتانی وه‌ك میسر و پاكستان و كوێت هه‌ن و ده‌یانه‌وێت له‌ڕێگه‌ی سیاسه‌ته‌وه بگه‌ن به‌كورسی و ده‌سه‌ڵات ..! به‌ڵام مه‌دخه‌لیه‌كانی كوردستان رقیان له‌م جۆره سه‌له‌فیه‌یه‌و به‌به‌ڵگه‌ی ڤیدیۆیی له‌خواره‌وه‌ی بابه‌ته‌كــه‌م دامناوه ..!!
سه‌له‌فی ده‌ق، ئه‌وزانایانه‌ن كه‌گوێ به‌سیاسه‌ت ناده‌ن و بگره پێشیه‌وه پابه‌ند نابن و به‌رده‌وام له‌گه‌ڵ زانسته‌كانی شه‌رعدان وه‌كو زانایانی وه‌ك " ئیبن باز و ئیبن عوسێمین" ره‌حمه‌تی خوایان لێبێت ..
سه‌له‌فیه‌كان " مه‌دخه‌لیه‌كان" زۆربه‌یان بوونه‌ته پاشقووڵی ده‌سه‌ڵات و بگره سه‌ركرده زاڵم و عه‌لمانیه‌كانیش به‌وه‌لی ئه‌مر ده‌زانن وه‌كو " "شێخ محه‌ممه‌د ئیبراهیم شه‌قره""ی" شێخی سه‌له‌فیه‌كانی ئورده‌ن" له‌هه‌شتاكانی سه‌ده‌ی رابردوو نامه‌یه‌ك بۆسه‌دامی دیكتاتۆر ده‌نێرێت و تیایدا ده‌نووسێت" بۆسه‌ركرده‌ی پۆڵایین و خۆڕاگر وه‌كو شاخ، خوای گه‌وره له‌شه‌ڕی حه‌سوده‌كان پارێزراوت بكات ...!" دواتر مه‌دح و سه‌نای فرمێسكه درۆیینه‌و تیمساحییه‌كانی سه‌دام حوسێن ده‌كات و چاوه‌كانی به‌چاوی پڵنگ یه‌كسان ده‌كات ..!
* هه‌رمزگه‌وت و كۆڕو كۆبوونه‌وه‌یه‌ك زیكرو یادی خوای گه‌وره‌ی تێدا بخوێندرێت و په‌نا بۆته‌سبیحات ببردرێت ئه‌و مزگه‌وت و كۆڕو كۆبوونه‌وه‌یه له‌لایه‌ن مه‌دخه‌لیه‌كان به""بیدعه" ناوده‌برێت وده‌یان فه‌رمووده‌ی لاوازی به‌سه‌رداده‌سه‌پێنرێت ..!
"وه‌زیری ناوخۆی سعودیه" كه‌سه‌ربه‌بنه‌ماڵه‌ی ئالی سعوده"""" "و زیاتر له‌چل و چوار ساڵه ئه‌م پۆسته‌ی پێدراوه وه‌ك بڵێی هه‌تا رۆژی قیامه‌ت به‌كورسییه‌كه‌وه ده‌نووسێت و نایدات به‌كه‌س پشتگیری ته‌واوی خۆی بۆمه‌دخه‌لیه‌كان دووپاتكردۆته‌وه‌و به‌رده‌وام پاره‌داریان ده‌كات به‌مه‌رجێك كار بۆئه‌م چه‌ند شته بكه‌ن و هه‌رگیزده‌ستبه‌رداری نه‌بن:
1- ده‌سه‌ڵاتی عه‌لمانیه‌كان له‌وڵاتانی ئیسلامیی جائیزن و خۆپیشاندان و شۆڕش له‌دژیان حه‌رامه‌و هه‌رگیز جائیز نییه .
2- زانایانی شه‌رع له‌شه‌رعدا پسپۆڕن و به‌هه‌مان شێوه‌ش كاربه‌ده‌ستانی ده‌وڵه‌ت پسپۆڕن له‌سیاسه‌ت ..! هه‌روه‌ها ده‌بێ دین و سیاسه‌ت و حوكم له‌یه‌كتری جیابكرێنه‌وه ..!
3- خه‌ڵكان هه‌موویان موسڵمانن و نابێت عه‌لمانیه‌كان به‌كافر له‌قه‌ڵه‌م بدرێن ..!
له‌كوردستانه‌كه‌ی خۆشمان ئه‌م مه‌دخه‌لیانه ده‌ڵێن: حیزبایه‌تی مایه‌ی ته‌فره‌قه‌ی موسڵمانانه، بۆیه حیزبایه‌تی جائیز نییه .. كه‌له‌هه‌قیقه‌تدا مه‌دخه‌لیه‌كانی كوردستان خۆیان ته‌فره‌قه له‌ناوخۆیان دروستده‌كه‌ن ئه‌وه‌تا مه‌لاگه‌وره‌كانیان له‌دوای یه‌كتر نوێژناكه‌ن چونكه هه‌ریه‌كه‌یان خۆی له‌ئه‌وی تر به زیره‌كتر ده‌زانێت ....!!
"شێخ ره‌بیعی مه‌دخه‌لی" به‌فه‌رمان و پشتگیری "نایفی وه‌زیری ده‌ره‌وه‌ی سعودیه " نامیلكه‌یه‌كی له‌سه‌ر كتێبی " العدالة الاجتماعية"ى شه‌هید سه‌ید قوتب نووسی و له‌دووتوێی نامیلكه‌كه‌دا شه‌هید سه‌ید قوتب به‌كافر ناوده‌بات ...!
* مه‌دخه‌لیه‌كانی ئه‌م هه‌رێمه‌ش هاوشێوه‌ی "ره‌بیع بن هادی مه‌دخه‌لی"ن، و ماوه‌ی چه‌ند رۆژێكه نامیلكه‌یه‌كیان به‌پاڵپشتی چه‌ندكه‌سێكی نزیك له‌ده‌سه‌ڵات چاپكردووه‌و، له‌گه‌رمیان تاوه‌كو سلێمانی به‌سه‌ر خه‌ڵكیدا دابه‌شی ده‌كه‌ن كه‌له‌میانی نامیلكه ناماقوڵ و پڕواپڕ له‌ته‌شهیر و زمان زبریدا هێرشی ناڕه‌وا ده‌كه‌نه سه‌ر بانگخواز حاجی كاروان ....!
به‌وه‌ی ناوبراو خۆی بۆپه‌رله‌مانی كوردستان كاندید كردووه، كه‌ئه‌مه به‌لای ئه‌وانه‌وه جائیزنییه و حه‌رامه ...! هه‌روه‌ها نووسیویانه حاجی كاروان له‌دیمانه‌كه‌ی هه‌فته‌ی رابردووی كه‌ناڵی رووداو مه‌سیحیه‌كانی به""" "ئه‌هلی كیتاب ناوبردووه‌و، پێیان ناڵێت كافر ....!!
سه‌یری ئه‌م جۆره ده‌ربڕینه‌ی مه‌دخه‌لیه‌كانی كوردستان بكه‌و لێی وردبه‌ره‌وه تائێستاش له‌گه‌ڵدابێ به‌رده‌وامن له‌وشه‌ی هه‌ڵێت وپه‌ڵێت وبێماناو دوور له‌ئادابی ئیسلامیی و به‌كارهێنانی زمانی زبر كه‌ئیسلام نه‌هیی له‌وجۆره ده‌ربڕینانه‌كردووه .. من یه‌ك پرسیار له‌شێخ و موریده‌كانیان ده‌كه‌م، ئه‌گه‌ر ئێوه به‌خواسوڵحاون و دژی حیزبایه‌تین ئێستانوێنه‌رێكتان كه‌دامه‌زرێنه‌ری بیرۆكه‌ی مه‌دخه‌لیه‌ته له‌سلێمانی كاندیده بۆپه‌رله‌مانی كوردستان رۆژێك له‌رۆژان غیره‌ت گرتووتانی هێرش بكه‌نه سه‌ری و له‌شانوشكۆ ی ئه‌وكه‌سه كه‌م بكه‌نه‌وه ...؟!
ئه‌ی ئه‌گه‌ر "ئه‌هلی كیتاب" به‌كافرده‌زانن و ره‌خنه له" "بانگخواز حاجی كاروان ده‌گرن رۆژێك له‌رۆژان له‌میانی وتارێكی مه‌لا له‌تیف و هتد ... توانیوتانه "مه‌سیحیه‌كانی كوردستان" به‌كافر ناوببه‌ن .....؟!
ده‌زانم غیره‌ت ناتانگرێت و واش ناڵێن چونكه به‌هۆی ئه‌م فه‌توایه ده‌سه‌ڵات نیگه‌ران ده‌بێت كه‌له‌سایه‌ی ئه‌وده‌سه‌ڵاته عه‌لمانیه‌دا كاره‌كانتان ده‌به‌ن به‌ڕێوه‌و دڵنیاشتان ده‌كه‌مه‌وه ناوێرن وشه‌ی كافر بخه‌نه پاڵ مه‌سیحیه‌كانی كوردستان ....!
ده‌توخوا ده‌قی نامه‌كانی پێغه‌مبه‌ری پێشه‌وا دروودی خوای له‌سه‌ربێ بخوێننه‌وه كه‌بۆپاشاكانی ئه‌وسه‌رده‌می ناردووه كه‌داوایان لێده‌كات موسڵمان بن به‌ڵام یه‌ك وشه له‌نامه‌كه‌ی پێغه‌مبه‌ر بدۆزنه‌وه كه‌پاشاكانی ئه‌وسه‌رده‌می ناردووه" به" كافر ناوببات ...؟! بیخوێننه‌وه كه‌پاشاكان به‌ئه‌هلی كیتاب ناوده‌بات نه‌ك كافر، به"ڵكو به "عظيم" ناويان ده‌هێنێت .. !!
* نامه‌ی یه‌كه‌م بۆ هه‌رقه‌لی پاشای رۆم:
"بسم الله الرحمن الرحيم من محمد بن عبد الله إلى هرقل عظيم الروم: سلام على من اتبع الهدى، أما بعد فإنى أدعوك بدعوة الإسلام أسلم تسلم يؤتك الله أجرك مرتين، فإن توليت فعليك إثم جميع الأريسيِين. قُلْ يَا أَهْلَ الْكِتَابِ تَعَالَوْاْ إِلَى كَلَمَةٍ سَوَاء بَيْنَنَا وَبَيْنَكُمْ أَلاَّ نَعْبُدَ إِلاَّ اللّهَ وَلاَ نُشْرِكَ بِهِ شَيْئًا وَلاَ يَتَّخِذَ بَعْضُنَا بَعْضاً أَرْبَابًا مِّن دُونِ اللّهِ فَإِن تَوَلَّوْاْ فَقُولُواْ اشْهَدُواْ بِأَنَّا مُسْلِمُونَ ..
* نامه‌ی دووه‌م بۆ كیسرای پاشای فارس:
"بسم الله الرحمن الرحيم، من محمد رسول الله إلى كسرى عظيم فارس، سلام على من اتبع الهدى، وآمن بالله ورسوله، وشهد أن لا إله إلا الله وحده لا شريك له، وأن محمدا عبده ورسوله، وأدعوك بدعاية الله، فإني أنا رسول الله إلى الناس كافة، لينذر من كان حيا ويحق القول على الكافرين فأسلم تسلم، فإن أبيت فإن إثم المجوس عليك."
* نامه‌ی سێیه‌م بۆ مقه‌وقه‌سی پاشای قیبتیه‌كانی میسر:
"بسم الله الرحمن الرحيم, من محمد رسول الله إلى المقوقس عظيم القبط: سلام على من اتبع الهدى، أما بعد فإني أدعوك بدعوة الإسلام، أسلم تسلم يؤتك الله أجرك مرتين. قُلْ يَا أَهْلَ الْكِتَابِ تَعَالَوْاْ إِلَى كَلَمَةٍ سَوَاء بَيْنَنَا وَبَيْنَكُمْ أَلاَّ نَعْبُدَ إِلاَّ اللّهَ وَلاَ نُشْرِكَ بِهِ شَيْئًا وَلاَ يَتَّخِذَ بَعْضُنَا بَعْضاً أَرْبَابًا مِّن دُونِ اللّهِ فَإِن تَوَلَّوْاْ فَقُولُواْ اشْهَدُواْ بِأَنَّا مُسْلِمُونَ .
سوبحانه‌لڵا سه‌یری ئه‌م پێغه‌مبه‌ره حه‌كیم ودانایه‌و ساڕێژی زامی دڵه‌كان بكه‌ن كه‌ئایه‌تێك ده‌نووسێت بۆئه‌وپاشایانه كه" ""يَا أَهْلَ الْكِتَابِ" ی تێدایه نه‌ك " كافر " ....!
ئێوه خۆتان به‌وه ده‌ناسێنن كه‌له‌سه‌ر راسته رێی شه‌قامی ئیسلامن و غه‌یری ئێوه " موبته‌دیعن " و، ته‌واو ...!
به‌ئاره‌زووی خۆتان حه‌ڵاڵ حه‌رام ده‌كه‌ن و به‌هه‌مان شێوه‌ش حه‌رام حه‌ڵاڵ ده‌كه‌ن كه‌گه‌وره‌ترین به‌ڵگه‌م ئه‌وه‌یه پێتان حه‌رامه ئیسلامیه‌كان حیزبایه‌تی بكه‌ن، به‌ڵام ئێوه له‌ژێر سێبه‌ری ده‌سه‌ڵاتی عه‌لمانیدا كار بكه‌ن بۆپه‌رته‌وازه‌یی و له‌كه‌داركردنی حیزبه‌ئیسلامیه‌كان و بانگخوازه‌كانیان كه‌وه‌كو ئێوه‌نین خه‌ڵكانی غه‌یری خۆیان به" موبته‌دیع بزانن ...!
رد له‌لایان ماموستا ئسماعیله‌وه بۆ جه‌ن بابه‌تیكی وتوند بۆنیان له شه‌رع و قسه‌ی بیمانای مه‌دخه‌لیه‌كان
سه‌یری ئه‌م ڤیدۆیه‌ش بكه‌ن كه‌ته‌نانه‌ت رێگه‌ی به‌وه‌ڵامدانه‌وه‌ی كه‌سانی پسپۆڕناده‌ن و له‌وه‌ڵامی راست و هه‌ق راده‌كه‌ن و به‌رله‌زوومی كامێرا ده‌گرن
له‌م گرته ڤیدیۆییه‌ش حیزبی نوری میسری و سه‌له‌فیه‌كانی كوێت به سه‌له‌فی نازانێت چونكه به‌ش و شه‌ریكی سیاسه‌تن .. ئه‌مه به‌ڵگه‌یه بۆئه‌وه‌ی مه‌دخه‌لیه‌كان دژ به‌یه‌كن و یه‌كتریان قه‌بوڵ نیه ..!
