زیادبوونی منداڵ خۆشه‌ویستی نێوان ژن و مێرد زیاد ده‌كات
به‌پێی توێژینه‌وه‌یه‌كی نوێ ده‌ركه‌وتووه هه‌ستی خۆشه‌ویستی به‌زیادبوونی منداڵ له نێوان ژن و مێردا زیاد ده‌كات،
ئه‌و توێژینه‌وه‌یه‌ش له‌لایه‌ن برۆسیدینگ ئۆف زه رۆیاڵ سۆسیاتی بی بڵاوكراوه‌ته‌وه ئه‌وه ئاشكرا كراوه كاتێك هه‌ندێك له ئاژه‌ڵ و باڵنده‌كان له نێوانیاندا رووده‌دات ئه‌وا رێژه‌ی سۆزداری له دوای هاوسه‌رگیری زیاتر ده‌كات ئه‌و سۆزداریه‌ش زیاتر و زیاتر ده‌بێت كاتێك چاودێری بێچووه‌كانی ده‌كات ،هاوكات ئه‌و توێژه‌ره‌وانه‌ش ئه‌و توێژینه‌وه‌یان له‌سه‌ر مرۆڤ تاقیكردۆته‌وه ئه‌وه‌یان بۆ ده‌ركه‌وتوه هه‌ست و سۆزی خۆشه‌ویستی له نێوان هاوسه‌ره‌كاندا زیاتر ده‌بێت كاتێك منداڵێكیان ده‌بێت كه ئه‌مه‌ش زۆربه‌ی كات وا ده‌كات كه كاریگه‌ری له سه‌ر باوك دروست بكات بۆمانه‌وه‌ی له مال به‌به‌راورد به‌و كاته‌نه‌ی منداڵ له ژیانیاندا نه‌بووه و هه‌ست به خۆشبه‌ختی و دڵنیایی زیاتر ده‌كه‌ن له‌سه‌ر ژیان و داهاتوویان،توێژه‌ره‌وان ئه‌وه‌شیان ئاشكراكردووه كه ئه‌مه‌ش گواستنه‌وه‌ی ئه‌و هه‌سته ناسكانه‌یه كه له‌باوانه‌وه بۆ منداڵه‌كان ده‌گوازرێته‌وه.
