قورئان و فەرمودەی پێغەمبەری خوا صلی الله علیه وسلم لەسەروی (زەمەنن ).گۆران كاری
خوای پەروەردگار زەمەنی تێکەڵ بەبونەوەر کردوە ، زەمەن لە گەڵ ئەو بونەوەرە شێلدراوە.
(سەرەتاو کۆتایی) دوو دیاردەی زۆر زەقن و لێکگێدراون ...
ئەستێرە لەدایک دەبن و ئەستێرەش هەنە چەند ساڵە مردون و تازە تیشکەکەی دەگاتە ئێمە.
لەدایک بون و خۆگرتن و بەهێزی و کزبوون و کوژانەوە ...
خونچە و گوڵ و وەرینی گەڵاکان ...
هەرچوار وەرز و ... باوەش و سوکنەتی شەو و چوست و چالاکی رۆژو پشوی نیوەڕۆ و عەسرو ئاوا بونی خۆر ...
هەموو ئەوانەو زۆری تر پێمان دەڵێن ... ژیانی ئێمە لەو دونیایە زەمەنێکە ( سەرەتاو کۆتایێکی هەیە )
زەمەنمان لەگەڵ شێلدراوە.
ئاخر ئەوەی لەو بونەوەرە زەمەن کاری تێناکات و کۆن نابێت و لەسەروی زەمەنە (قورئانی پیرۆزو فەرمودەی پێغەمبەری خوایە صلی الله علیه وسلم ).
بۆیە تەنها لەڕێی ئەوانەوە دەگەینەوە دونیاێکی پاکی(بێزەمەن).
بەهەشت بێزەمەنە (سەرەتاو کۆتایی) لێکگرێنەدراون و لەیەک دادەبڕێن ...
چونە بەهەشت سەرەتایە ... سەرەتایەکی بێکۆتا.
نازانم ئەگەر قورئان فەرمودەی پێغەمبەری خوا نەبوایە چۆنم دەتوانی لەو ژیانە بژیم ... زۆر پەشیمانم لەوزەمەنەی تەمەنم کە دور بوە لە قورئان و فەرمودەی پێغەمبەری خوا ....
(خۆشم دەوێن) خۆشەویستییەک گەورەتر لە زەمەن کە لەگەڵ بونەوەر دەستی پێکردوە .
ئەوان ... تەنها ئەوان ... رێی گەیشتنن بە دونیایی (بێزەمەن) بەهەشت.
